普京承认动员令有出错 最少20万俄国人出国 有人为逃兵役打断手臂

2022年09月30日 17:13 赞好

俄罗斯总统普京早前宣布「局部动员令」，徵召有军事经验嘅国民参与俄乌战争，不过被爆出唔少唔合资格嘅人都被徵召。动员令又引发大规模逃国潮，唔少俄国人排队出境，逃避参与战争，亦有人为咗逃兵役，不惜打断手脚。

普京承认，喺徵兵过程有局部出错，目前要将错误被徵召嘅人送回原居地，包括超过兵役年龄丶有3个小孩以上嘅父亲及慢性病人士等。

根据俄罗斯周边国家嘅边境部门统计，至少20万俄国人离开俄罗斯，唔少人从陆路出境。而网上有片段流传，有俄罗斯年轻人为唔洗参军，要求友人打断自己嘅手或脚，情况相当惊人。