2022年12月13日 16:37 赞好
内地近日放宽防控，但唔少民众都担心染疫，率先抢购物资防疫，早前网上误传黄桃可医新冠之後，因为北京卫健委指引确诊者要注意「水丶电解质平衡」，所以唔少民众又再抢购电解水。 内地有传媒报道，一个电解水品牌上星期开始断货，销量比平时多咗十几倍，有专家话，如果出汗太多丶有腹泻先需要补充电解水，一般人饮食正常，唔需要刻意去饮。 而误传黄桃可医新冠，有媒体就话，依个系东北人嘅玄学，以前会话食咗黄桃感冒就好，但《人民日报》已经发文，话黄桃冇法缓解病症。