曾称共存如共赴黄泉 卢宠茂：将检疫责任交回给市民

2022年12月29日 11:54 赞好

政府琴日取消疫苗通行证丶限聚令等多项防疫措施，曾讲过与病毒共存等於共赴黄泉嘅医务卫生局局长卢宠茂话，新冠疫情与三年前唔相同，但唔需要将新冠同流感比较，两者有好大差异，又话系时候将检疫责任同埋权力交俾市民。

卢宠茂话，过去半年政府防疫方向稳定，考虑社会以及经济，朝复常方向发展，但又话唔需要太过斟酌新冠同流感嘅比较，唔应该淡化新冠对市民健康嘅影响，放宽唔等如放弃。

佢又话，隔离密切接触者嘅成本太高，系时候将检疫同埋预防责任交俾市民，由市民自己留意症状。