祥祺陈红天旗下多个物业被接管 包括红磡祥祺中心

2023年03月30日 14:38

深圳财团祥祺集团旗下多个喺香港嘅物业相继被接管,其中祥祺嘅总部红磡祥祺中心琴日被恒生银行委托罗兵咸接管,引起市场关注创办人陈红天嘅经济情况。

唔只系祥祺中心,陈红天持有嘅山顶豪宅傲璇亦都被接管。陈红天2016年以45亿向会德丰购入祥祺中心,当年刷新九龙区甲级商厦嘅最贵记录。另外,陈红天2016年以21亿购入山顶歌赋山道15号地,当时打算拆卸重建,但已经停工好耐,21亿当中陈红天部分以深圳物业易物作为付款,有16.8亿分三期现金支付,佢只系俾咗首期6.3亿,2019年再向东亚银行一按以及二按,物业今个月初被德勤接管。

早喺2018年陈红天已经被传财困,多个物业抵押贷款,当时佢回应话系正常融资安排。

相关新闻