警方拘4人涉无牌藏枪 疑用3D立体打印手枪

警方近日拘捕3男1女，涉无牌藏有枪械或弹药、串谋无牌藏有枪械或弹药及藏有攻击性武器等罪，警方怀疑，手枪部件由3D立体打印而成，其中一名被捕人士曾喺反修例示威中被捕。

警方最早喺星期日接获报案，怀疑柴湾一座大厦梯间发现弹药，警方到场调查後，检获一个黑色胶袋，有3盒138粒9毫米子弹，之後喺大厦拘捕一名31岁本地男子，并喺该单位发现多件3D立体打印嘅手枪部件、3D打印机等。

警方琴日再拘捕多3人，并喺一个25岁男子嘅住所发现3D打印手枪部件、子弹及军刀等，消息指，25岁男子曾喺反修例示威中被捕。