美国计划接种新冠疫苗常规化 每年打一针加强剂

2022年09月08日 16:39 赞好

美国有卫生官员近日表示，除非出现完全唔同嘅新冠变异病毒，否则可能每年会建议民众以类似流行性感冒嘅方式，接种新冠加强剂。首席医疗顾问福奇表示，接种嘅疫苗会每年更新，针对当时流行嘅病毒株。

当局又话，长者与免疫功能有缺憾嘅人可能要更频繁接种疫苗，一旦出现完全唔同嘅变异株，或会更改每年一针嘅政策，官员又指，民众可以同时接种新冠疫苗及流感疫苗。

早前美国已开展接种「二价疫苗」嘅加强剂，总统拜登亦呼吁民众喺冬天前接种二价疫苗。二价疫苗系针对现时全球流行嘅BA.4/BA.5变种病毒研制。