青花瓷天球瓶原估值1万5 最後7000万成交 拍卖行怒炒估值师

法国枫丹白露一家拍卖行日前举行拍卖会，其中一个黎自中国嘅青花瓷天球瓶，原本只估值约1万5千港元，不过就异常地吸引几十名中国人争相出价，最後近7000万港元成交，震惊收藏界。

据指最後由一名中国收藏家成功拍得心头好，天球瓶高约54CM，瓶身有几条蓝色嘅中国龙图案，有分析家话，依个系黎自18世纪嘅罕见古董。

卖家系一名法国女子，佢嘅祖母同样系收藏家，原本将花瓶拎去估值时，被告知只值1万5元，但最後却天价成交，卖家非常後悔卖走罕有古董，而负责估值嘅鉴定师亦被解雇，法国拍卖行协会会长话，佢从来未见过咁嘅事情。