着名漫画家高桥和希遇溺亡　军人称他为救人而罹难

经典漫画《游戏王》作者高桥和希今年7月喺冲绳海上被发现遗体，怀疑潜水期间遇溺身亡，终年60岁。不过近日有驻日美军透露，当日高桥系为咗救人而落水，但遇上激流最终罹难。

美军少校布尔乔近日接受军方报纸《星条旗报》访问时透露，佢当时喺现场听到一名妇人呼救，得知妇人嘅女及一名美军被困喺激流当中，而且离岸越黎越远，於是佢同埋两名学生落水救人，之後成功将女童及军人都救上岸。

之後布尔乔上岸，有一名学生同佢讲，头先都有一名男子落水救人，但无上返黎，事後佢发现，嗰名男子就系高桥和希，布尔乔对事件感到难过，认为高桥系英雄，为救人而死。日本当局无证实事件，但早前公布嘅情况，同布尔乔讲嘅类似。