内媒称付国豪已在去年过身　曾反修例机场遇困受袭

2022年11月18日 11:24 赞好

有内地传媒报导，曾经喺2019年反修例示威当中，被示威者包围袭击嘅内地传媒工作者付国豪已喺上年过世，有个名为「付国豪父亲」嘅帐号喺社交平台公布消息，称「知名爱国爱港记者付国豪」上年10月25日病逝，终年三十周岁。

报道话，付国豪多位亲友确认，付国豪父亲一直压抑心情，希望各界唔好打扰家人。又指付国豪从去年离职《环球时报》之後，一直患抑郁症。

付国豪2019年喺机场被怀疑记者身份，之後遭示威者包围袭击，有三人最後被控暴动罪罪成。