国美黄光裕遭追薪骂员工不要面 有人与保安发生冲突

2022年12月07日 12:07 赞好

国美电器近百名员工近日包围北京鹏润大厦嘅国美办公室追讨欠薪，期间国美创办人黄光裕现身，员工与保安发生冲突，黄光裕大闹员工「唔要脸」，最後要警察到场调停。

网上片段显示，有员工要求公司发放9至11月嘅人工丶半年薪以及无故被扣咗嘅绩效，又有员工要求补交5月之後嘅公积金。不过，员工嘅言论引起公司副总裁魏秋立不满，佢反问员工，有冇先同上司讲，要追薪就要先同上司讲。

国美员工追薪咗超过8个钟，有员工话，唔会放弃，之後几日都会一直喺办公室门外，据指近几日都有员工追薪，但国美无回应事件。个几月前，国美董事长黄秀虹曾经话，公司喺12月底前唔会出人工，只会交社保，之後都唔确定，又要求员工签承诺书。