内地放宽防控确诊不升反降 胡鍚进质疑数字不真实

2022年12月09日 15:40 赞好

内地近日放宽疫情防控，不过每日确诊数持续下降，甚至比起放宽前少近一半，全国过去一日新增16592宗，比起放宽前近4万宗少。前《环球时报》总编辑胡鍚进就质疑官方数字唔真实，比起佢直接观察以及网上信息互相矛盾。

胡鍚进话，佢周围嘅感染者喺度快速增加，认为北京单日新增感染，已经超过上海年初嘅最高峰，甚至单日超过2万宗。佢话，唔知道边啲地方报嘅数字系事实，但有唔少地方数字严重脱离实际情况，令佢担心。

佢又话，无论数字几大，公众都唔会怕，如果唔报数字，大家都理解，但如果社会允许误差数据继续报落去，就不利维护官方信息嘅严厉性。