锺南山称新冠肺炎不存在肺炎 应改为「新冠感冒」

2022年12月16日 11:52 赞好

内地近日不断放宽疫情防控，中国工程院院士锺南山近日喺讲座上面讲到，新冠Omicron变种病毒已经唔存在肺炎，应该改为「新冠上呼吸道感染」或者叫「新冠感冒」。

佢提到，Omicron嘅病死率约0.1%，相当於流感，而感染过嘅人，有76%一年内唔会再感染，引发後遗症亦都比之前嘅病毒低，只有4.5%。

锺南山又认为，香港喺今年年初嘅情况，唔会喺内地出现，因为当时香港疫苗接种率低，现时内地防疫政策要调整为防控重症，但唔代表可以躺平。