美国科技业裁员潮　电脑巨企戴尔炒6650人

2023年02月07日 16:33 赞好

美国科技业喺上年底开始裁员潮不断，继Meta丶亚马逊丶微软之後，传统电脑巨头戴尔亦宣布裁员6650人，占全球员工5%。

戴尔副董事长暨共同营运长克拉克对员工讲，受到唔确定嘅未来影响，戴尔喺市场嘅情况不断恶化，公司要暂停招聘丶限制外部服务支出黎减省成本，不幸嘅系，团队之中有成员要离开，佢话，咁系非常困难嘅决定，但为咗公司长期健康，咁系必要嘅决定。

经历完疫情嘅电脑销售潮之後，2022年全年市场需求低迷，个人电脑出货量下降近3成，对戴尔嘅业务造成严重打击。