垃圾房变画廊工友自发挂弃置画作　遭房署下令拆除

2023年03月08日 12:12 赞好

葵涌邨一个垃圾房摇身一变，成为充满艺术色彩嘅「画廊」，原来系工友收集居民弃置嘅画作，并挂喺垃圾房墙上，但工友嘅趣味，就得唔到房屋署嘅加许，下令工友拆除还原。

从网上照片所见，垃圾房墙上画满画作同埋时钟，排列次序不一，好有艺术气息，而网民都对事件感到可惜，批评房署官僚主义，立法会议员梁熙就话，如果工友做得开心，活化一下垃圾房唔系几好咩，而且挂喺呢度总比扔咗佢好。

有网民访问到事件垃圾房嘅工友，原来系两三年前开始收集弃置画作布置垃圾房，但近日被房署下令拆除，工友虽然感到可惜，但就话冇办法只能喺记忆中回味。