童装店Chickeeduck全线结业　老板周小龙称供应链被断

童装店Chickeeduck出奇得宣布，最後一间分店将会喺6月30号正式结业，结束33年品牌。公司老板周小龙话，内地供应链被切断，东南亚嘅供应链亦不断被骚扰，无意要求同事挣扎落去。

出奇得喺2019年政见非常明显，周小龙经常发表支持示威者嘅言论，甚至喺店内摆放示威物件，2021年一度被国安处搜查，周小龙话，感谢市民嘅支持，又话能够为香港出一分力感到荣幸。

不过周小龙喺上年已经移民海外，最先去到美国，後来亦喺英国出现。