特朗普性虐诽谤女作家罪成 称是耻辱要上诉

2023年05月10日 15:52 赞好

前美国总统特朗普被女作家卡罗尔指控，喺90年代被佢性侵，纽约法院陪审团最後裁定特朗普强奸罪名唔成立，但性虐以及诽谤罪成，需要赔偿500万美元。

卡罗尔指控，1995年或1996年喺纽约一间百货公司遇到特朗普，并同意特朗普帮佢挑选礼物，二人喺百货公司嘅内衣部互相讲笑，但之後特朗普拉佢去更衣室进行性侵。陪审团认为，冇足够证据证明特朗普有强奸卡罗尔，但特朗普对性虐有责任，以及特朗普喺旗下社交媒体攻击卡罗尔嘅言论，属於诽谤。

特朗普就批评判决系耻辱，表明会上诉，又话自己根本唔识卡罗尔，扬言会继续竞选下届总统。