班马扮食饭准备求婚 饭局原来AA制 见证後准新娘向大家追收饭钱 

有准新郎班马扮食饭准备求婚，但豪华饭局原来AA制，朋友见证後准新娘做丑人，翌日向大家追收饭钱，闺蜜唔顺气，在网上大爆饭脚的敢言回应。而留言的网民则几乎一面倒力撑楼主，有人认为「事前无讲就唔夹」；有人表明会照夹钱，但「不再相见」。

楼主本月26日在社交平台以「黐Ｘ线求婚叫朋友夹钱」为题发帖，称「噚日我闺蜜个男朋友叫晒啲朋友，话买咗花同埋戒指，准备今晚求婚，叫我哋出嚟扮食饭，唔好同佢女朋友讲，OK大家二话不说几忙都应承出嚟食饭，食到咁上下佢就开始拎啲嘢出嚟求婚，成餐都好顺利嘅」。

但豪华饭局原来AA制，朋友见证後准新娘做丑人，翌日向大家追收饭钱，楼主指每人夹返$800左右，比你哋会点做，唔夹怕之後面左左，夹又觉得唔顺气」。

楼主回应表明「真人真事，25日发生嘅」。楼主进一步透露，「有一大半人已俾咗钱，其中一个有话：你唔系咁都叫人夹嘛？但都俾咗钱，佢应该比得好唔gur（唔顺气）」。

还有人询问「食咩饭要$800？」，楼主解画「一间4星级左右嘅餐厅，啲嘢OK好食，但唔值$800罗」、「我望到张单Total（总数）约1万几，有叫酒但我无饮，（只系望咗一眼，唔肯定Exactly（实际）个数），所以唔知佢有无计埋扎花和蛋糕，除返条数应该都合理嘅」。

回应的网民大都站楼主这边，有人表明唔夹钱，有人却列出会夹钱的条件：「人情度扣返」、「夹餸算啦，夹咩钱」、「呢啲朋友要断舍离啦」、「可能被要求夹酒席钱」、「我会照夹钱，然後不再相见」。夹唔夹钱应该一早讲明，事後先话要夹好肉酸罗成件事。你哋全部人都唔好夹呀，扮唔记得过数。

留言一面倒。证明大家都系正常人。我谂你都应该知点做，佢求婚做咩要你买单，就算想人俾钱都要事前讲清楚啦，到时知道要俾钱都照去就系你情我愿。不过，亦有网民认为食饭AA制合理，但补充「$800系贵的」。