袁国勇团队研发喷鼻新冠疫苗　获准内地紧急使用

政府专家顾问、港大微生物学系讲座教授袁国勇嘅团队，联同北京万泰生物及厦门大学，合作研发嘅喷鼻式新冠疫苗，已经获批喺内地紧急使用，万泰将喺未来生产2亿剂疫苗，又等紧香港政府批准使用。

袁国勇话，喷鼻式疫苗可阻止病毒进入鼻腔及咽喉粘膜，如果曾接种灭活疫苗，再接种喷鼻式疫苗对Omicron变种病毒可达80%保护力，而未接种疫苗嘅亦有55%保护力。

同样系团队成员嘅港大微生物学系教授陈鸿霖就话，喷鼻式疫苗系现时较佳嘅补充剂，小朋友惊打针亦更易接受。