外来人才计划要申报刑事记录 议员建议外佣睇齐

2023年02月27日 16:31 赞好

内地科学家贺建奎因为基因编辑被判监3年，但仍然成功申请高才通签证，之後政府撤销佢嘅签证申请，再要求所有人才计划申请者要申报刑事记录，立法会议员江玉欢今日建议，外佣都要申报刑事记录。

佢话，外佣要照顾老幼，唔应该属於例外，佢建议入境处可以按刑事情况设立豁免范围，相信行政上唔会困难。

不过，有外佣公会就话，外佣唔会有永久居留权，要求睇齐唔公平，过去一直冇申报都行之有效，江玉欢就认为，等到有问题先调整就为时已晚。