杨紫琼转文章批奥斯卡太白 提对手涉违规拉票或受罚

2023年03月10日 16:53 赞好

马来西亚华裔演员杨紫琼主演电影《奇异女侠玩救宇宙》，夺得多个国际奖项，亦都入围咗下星期一举办嘅奥斯卡颁奖礼，竞逐最佳女主角，但近日杨紫琼就喺社交媒体转载文章，批评奥斯卡嘅赛果「太白」，当中提及同样入围嘅对手姬蒂白兰芝，触犯咗候选人唔可以标示对手个名嘅规则，或会受罚，目前杨紫琼已删除文章。

杨紫琼转载时尚杂志《Vogue》嘅一篇文章，当中提及奥斯卡20几年都系白人女性封后，而姬蒂白兰芝已经两夺奥斯卡，文章认为杨紫琼更值得夺今次最佳女主角。奥斯卡主办单位未有回应事件。

《奇异女侠玩救宇宙》令杨紫琼奖项大丰收，佢先後获金球奖丶独立精神奖以及美国国家影评学会嘅最佳女主角，亦有份角逐今届奥斯卡最佳女主角。