哔哩哔哩分成下降 「B站UP主」停更称亏钱

2023年04月04日 14:29 赞好

内地影片分享平台哔哩哔哩近日有唔少创作频道停止上载新影片，有人话平台分成大幅下降，收入减少嘅情况下，冇得赚钱，甚至蚀钱，只能够停止更新。

有200万粉丝嘅频道「花都兄弟」上载影片宣布停更，主要做美食影片创作嘅佢哋，话因为收入减少，食材开支大，决定放弃，另外又有创作者话，受到短片冲击，以及有唔少频道系公司包装嘅帐号，制作成本低，令个人创作者难以生存。

根据哔哩哔哩嘅业绩显示，营业总成本有一半系分俾创作者，虽然收益有上升，但未能跟上流量增速，可能因为咁减少分成。