《给十九岁的我》夺最佳电影 导演鼓励同行「拍左先算」

2023年04月17日 11:53 赞好

记录片《给十九岁的我》琴晚夺得金像奖「最佳电影」。早前记录片卷入上映风波，有参与拍摄嘅女仔反对公开上映，最後电影停止公映，但金像奖就话，无权力取消记录片参与评审，而最後《给十九岁的我》大热获奖。

风波之中嘅众矢之的导演张婉婷冇出席颁奖礼，另一联合导演郭伟伦有上台领奖，另外有份参与记录片嘅三名女学生马燕茹丶伦凯颐以及罗晓淳亦有出席，郭伟伦得奖时就话，唔好惊拍记录片，唔好熄机，要继续拍，拍咗先算，剪咗先算，上映左先算。

另外佢又读出张婉婷嘅信，张婉婷话，佢嘅伴侣罗启锐死亡嘅黑洞，到记录片面世，令佢有一个可以栽种美丽植物嘅小花园，但风波令佢又堕入黑森林，令佢领悟到人生无常，张婉婷又感谢一直支持佢嘅人，参与拍摄嘅同学以及英华前校长李石玉。