新学年5间小学不获批开小一 蔡若莲称开班线不能再降

多间学校未有获教育局批准喺新学年开办小一，教育局局长蔡若莲今日话，有5间小学收生不足，新学年唔获批开办小一，但佢话，唔系「杀校」，校方有唔同方案选择，包括合拼、改为私营模式开班。

部分小学只差一人就可以开班，但蔡若莲话，开班线已经由24人减至16人，不宜再下降，否则会影响学生群育发展，佢又话，不论开班线订喺边个人数，都可能出现差一人嘅情况，反问「几多先算近人情」。

对於部分学校选择合拼，蔡若莲话，办学团体要考虑校舍容量以及处理教师团队，当局会帮助唔愿去新校升学嘅学生，搵合适学校。