前NBA球星侯活與賴清德拍片 被內地網民轟台獨

2023年05月12日 16:16 赞好

曾經喺美國洛杉磯湖人隊贏得NBA總冠軍嘅侯活，上年加盟台灣職業球隊桃園雲豹，近日佢到台灣總統府參觀，同副總統賴清德拍片，引起內地網民不滿，批評侯活台獨，又要求佢道歉。

侯活之後回應事件，就事件道歉，又話佢以英文講嘅「country」唔一定係國家，而係一個地方，話係溝通誤會，佢又話自己唔係政治家，唔想涉入政治話題，佢尊重所有內地以及台灣嘅人。

侯活被邀請同賴清德一同宣傳「來去總統府住一晚」嘅活動，當中佢話指自己對台灣有全新認識，又講笑唔知住總統府喺美國係唔係合法。