十一國慶 香港人可收到一份怎樣的禮物?
2022年10月01日 12:00
十一國慶來臨，適逢政府放寬防疫措施以及推行0+3入境政策，抗疫兩年多以黎，香港嘅經濟環境，似乎出現轉機，以往香港人經常開口埋口都期待「中央送大禮」，幫助香港經濟發展，現時香港最需要嘅禮物，其實係同內地通關。
行政會議召集人葉劉淑儀早前曾表示，如果疫情繼續降溫，十月好有可能放寬至0+0，亦有傳媒引述消息，話特首李家超會喺宣讀施政報告嘅時候，公布香港實施0+0。不過，仍唔少人擔心，雖然係0+0，但各種繁複嘅檢疫措施，包括限聚令、多次檢測，都會令外國客人卻步，其實放寬旅客入境，再加上接種疫苗嘅要求，就不必驚會有確診，從各種數據黎睇，新冠病毒對香港的影響已大幅減少，政府絕對有條件，將香港入境政策全面放寬，不要再給新加坡躺贏的機會。
另外，港人，又或者來港做經商的人士，最關心的就是與內地通關，全國人大常委譚耀宗曾講，不要去想短期與內地通關，認為逆隔離措施可能會盡快推出，近日又表示，有內地朋友跟他說，二十大後可能放寬內地與香港通關的措施。
不管怎樣，當然港人最想收的禮物，就是與內地通關。不管是探親、經商或遊山玩水，內地與香港已經兩年多不能夠零檢疫通關。內地仍然嚴控疫情，逆隔離應該是目前最好的方案，如果能夠實施，香港政府盡力應該推高可隔離的人數，徵用酒店作為逆隔離措施。另一方面，港府可以積極與內地爭取，減低逆隔離日數，盡量減低通關的不便。
十一國慶，香港人最想收到的禮物，就是復常生活，與內地及國際通關，發展經濟，改善民生。
