馬來西亞大選 最高元首宣布安華任新首相

2022年11月24日 15:50 赞好

馬來西亞最高元首阿卜拉今日宣布，希望聯盟主席安華將就任首相，安華從90年代開始，就被視為首相熱門，但經過幾次監禁，今日終於登上首相一職。

由於大選過後，無一個黨派有過半數席位，而兩大黨派國盟及希聯都未能達成組織聯合政府嘅決定，最後由最高元首決定首相人選。

安華最早喺1993年出任副首相，當時被視為前首相馬哈迪嘅接班人，但之後被馬哈迪革職並入獄，2015年又因為被控肛交罪而入獄，不過喺獄中已被視為希盟實際掌權人，出獄後成為希盟領導層，時任首相馬哈迪原同意交棒，但後來反悔，之後馬哈迪辭職，首相一職重歸巫統，直至今次大選後，安華終於當上首相。