經典迷因Doge本尊傳病危　全球網友集氣

2022年12月28日 17:21 赞好

網絡非常流行一隻黃色柴犬，雙腳交叉，面露「得戚」表情咁坐喺沙發上面嘅相片，後來網民將依隻柴犬命名為Doge，更創造出千千萬萬張「迷因」。而依張圖嘅本尊，其實係黎自日本嘅一隻柴犬，佢啱啱過完17歲生日，但最近傳出病危消息，引黎全球網友留言打氣。

依張熱傳超過十年嘅「迷因」圖，其實黎自柴犬主人一篇普通網誌，但發出之後因為表情趣怪，馬上引起網絡瘋傳，上年更有人用依張圖黎製作虛擬貨幣Doge coin嘅Icon，依款貨幣之後都引起Tesla執行長馬斯克嘅注意。

不過，Doge主人近日更新消息，醫院話目前Doge嘅狀況非常危險，佢完全無預料到，希望可以再次有奇蹟。