全美首間無職員自動麥當勞　有網民批損工作機會

2022年12月30日 16:58 赞好

美國德州沃思堡新開設一間全自動麥當勞，全間店鋪無職員工作，顧客喺手機程式點餐之後，就可以喺得來速車道取餐，店內亦有自助點餐機。

有網民試用後，讚賞效果好好，慳咗唔少時間，不過，有網民就話，如果麥當勞繼續推行，會選擇杯葛，因為無人店會斷絕咗工作機會。

麥當勞主管卡莫納就話，依個新嘗試適合需要快餐嘅忙碌人士，麥當勞一直致力為得來速服務制定標準。