俄軍機倒燃油撞美國無人機　美軍公開片段

2023年03月17日 14:35 赞好

早前美軍嘅一架無人軍喺黑海墜落，美方指控俄羅斯軍機干擾導致無人機墜毀，美軍琴日公開片段，睇到俄羅斯軍機傾倒燃油之後，擦撞美軍無人機。

根據片段所見，俄羅斯蘇愷-27戰機迎面迫近美軍無人機，之後傾倒燃油再擦撞到無人機，片段一度中斷，畫面恢復之後，無人機明顯受損。

美國國防部造，雙方喺空中對峙近40分鐘，批評兩架俄羅斯軍機唔安全同埋唔專業，俄羅斯曾經否認同美軍無人機有任何接觸。