美國槍手闖學校殺6人 遭警方擊斃 曾是校友疑不滿學校

2023年03月29日 15:41

美國田納西州日前發生校園槍擊案,一名28歲槍手闖入納希維爾一間私立學校,槍殺6人之後被警方擊斃,警方今日公布,槍手生理性別係女性但自稱男性,係學校嘅舊生,懷疑不滿學校所以犯案。

槍手當日手持三支槍闖入校園,喺校內無差別掃射,警方接報之後4分鐘趕到現場,10分鐘後將槍手擊斃,事件入面有3名學生以及3名教職員喪生。

槍手犯案前曾經手寫宣言,表明會同警方對峙,又詳細畫出學校嘅地圖,槍手曾經係一名平面設計師,佢嘅老師好驚訝佢會做出依種事,話佢平常係一個安靜嘅人。

相關新聞