旅遊寺廟門票銷量增三倍 官媒批年輕人「不上進只上香」

2023年03月30日 16:09 赞好

近日內地旅遊網站嘅資料顯示，今年寺廟景區嘅門票訂單增加咗三倍幾，近半人係「90後」以及「00後」，反映咗年輕人對寺廟觀光有極大興趣。不過，官媒《新京報》評論文章就批評，年輕人唔應該「不上進只上香」，如果年輕人將生活希望寄託喺神佛之上，就係「走偏咗」。

文章話，年輕人面臨學業、工作、婚姻壓力，上香可能係釋放壓力嘅管道，但認為求神拜佛始終靠唔住，只有自己努力先可以成功，另外，《北京日報》都發表評論文章，認為年輕人上香只求減壓。

但新京報嘅評論就引起網絡反彈，唔少人批評評論忽略年輕人現實情況，只係覺得盲目要求「上進」就可以解決問題。