特朗普付「封口費」案 成為首位被刑事起訴前美國總統

2023年03月31日 11:28 赞好

前美國總統特朗普2016年向成人電影演員克利福德支付「封口費」，紐約大陪審團決定向佢提出正式起訴，特朗普成為美國史上首位被起訴嘅美國前總統。

特朗普形容事件係政治迫害，佢話自己完全無辜，起訴係對國家嘅攻擊以及公然干涉選舉，佢揚言會喺2024年大選擊敗拜登。

特朗普被指喺2016年總統大選之前，向克利福德支付13萬美元「封口費」，要求佢唔好公開二人曾經發生性關係。當局未透露針對特朗普嘅罪名，預料未來幾日會公布，又有消息人士話，特朗普下星期會自首。