特朗普性虐誹謗女作家罪成 稱是恥辱要上訴

2023年05月10日 15:52

前美國總統特朗普被女作家卡羅爾指控,喺90年代被佢性侵,紐約法院陪審團最後裁定特朗普強姦罪名唔成立,但性虐以及誹謗罪成,需要賠償500萬美元。

卡羅爾指控,1995年或1996年喺紐約一間百貨公司遇到特朗普,並同意特朗普幫佢挑選禮物,二人喺百貨公司嘅內衣部互相講笑,但之後特朗普拉佢去更衣室進行性侵。陪審團認為,冇足夠證據證明特朗普有強姦卡羅爾,但特朗普對性虐有責任,以及特朗普喺旗下社交媒體攻擊卡羅爾嘅言論,屬於誹謗。

特朗普就批評判決係恥辱,表明會上訴,又話自己根本唔識卡羅爾,揚言會繼續競選下屆總統。

相關新聞