球王比利傳化療無效 已進入臨終病房接受安寧照顧

2022年12月05日 12:41 赞好

巴西一代傳奇球王比利上月底因為心臟衰竭入院接受治療，但日前傳出消息，比利已停止接受化療，並轉入臨終病房，接受安寧照顧，但現時情況無惡化。

消息傳出後，大批民眾去到比利入住嘅醫院附近，支持依位一代球王。比利之後透過社交媒體發表聲明，話自己正常進行療程，認為自己堅強，而且抱有希望，呼籲各界冷靜，又話自己有留意巴西隊喺世界盃嘅表現。

比利自從去年切除結腸腫瘤後，開始接受化療，不過近月多次傳出病情惡化。比利曾帶領巴西隊三奪世界盃，係目前唯一能夠達到依個成就嘅足球員。